Grooming Jihad: Akhtar, father of five, changes his name to Mukesh and marries a Hindu girl
50 సంవత్సరాల ముస్లిం వ్యక్తి తప్పుడు గుర్తింపును ఉపయోగించి ఒక హిందూ యువతిని వలలో వేసుకుని గర్భం దాల్చేలా చేశాడు. ఆమెను ఇస్లాం మతంలోకి మార్చడానికి కూడా ప్రయత్నించాడు. ఈ ఘటన గుజరాత్‌లోని సూరత్‌లోని దిండోలి పట్టణంలో చోటు చేసుకుంది.నిందితుడిని ‘మహ్మద్ అక్తర్ షేక్’ గా గుర్తించారు. బాధితురాలు 22 ఏళ్ల హిందూ అమ్మాయి. 2018 లో దిండోలిలోని ఒక ఐడియా స్టోర్‌లో ఉద్యోగిని ఆ అమ్మాయి. ఒక రోజు అక్తర్ తన సిమ్ కార్డును మార్చుకోడానికి స్టోర్ కు వచ్చాడు. అతను తనను ముఖేష్ మహావీర్ గుప్తా అనే తప్పుడు మారుపేరును ఉపయోగించి ఆమెతో పరిచయం చేసుకున్నాడు. స్టోర్‌లో కొత్త కస్టమర్లను తీసుకురావాలని అమ్మాయి అతడిని కోరింది. అక్తర్ 10-15 మంది కొత్త కస్టమర్లను తీసుకొచ్చాడు. దీంతో బాధితురాలికి నిందితుడికి మధ్య స్నేహానికి దారితీసింది.
50 ఏళ్ల నిందితుడు తన అబద్ధాలతో అమ్మాయిని నమ్మించాడు. తనకు వివాహం అవ్వలేదని చెప్పాడు. అంతేకాకుండా తాను భారతీయ రైల్వేలో ఉద్యోగి అని అక్తర్ చెప్పుకొచ్చాడు. ఒక సంవత్సరం తరువాత 2019 లో అతను బాధితురాలిని హిందూ సాంప్రదాయాల ప్రకారం పెళ్లి చేసుకున్నాడు. సూరత్ లోని కడోదర ప్రాంతంలో ఉన్న హనుమాన్ దేవాలయంలో వివాహం జరిగింది. నిందితుడు వెంటనే యువతి గర్భం దాల్చేలా చేశాడు, ఇద్దరికి ఒక కుమారుడు జన్మించాడు. అతను కూడా ఆమె ఇంట్లో ఉండడం ప్రారంభించాడు.
ఆ యువతికి కూడా ఉద్యోగం ఇప్పిస్తానని చెప్పి అమ్మాయి కుటుంబ సభ్యుల నుంచి 12 లక్షల రూపాయలను అక్తర్ తీసుకున్నాడు. మూడు సంవత్సరాల తరువాత 2021 లో బాధితురాలు నిందితుడి యొక్క నిజమైన మతం ఏంటో కనుగొంది. బాలిక కొన్ని నెలల క్రితం అతని ఆధార్ కార్డును కనుగొని, తన భర్త ‘ముఖేష్’ కాదని, ‘మహ్మద్ అక్తర్ షేక్’ అని గ్రహించింది. అక్తర్‌కు అప్పటికే వివాహమైందని, మొదటి భార్యతో అతడికి ఐదుగురు పిల్లలు ఉన్నారని తెలుసుకుంది.
ఆమెకు నిజం తెలిసినా ఏ మాత్రం భయపడలేదు అక్తర్.. ఆమెను నమాజ్ చదవమని బలవంతం చేశాడు. ఇస్లాం మాత్రమే నిజమైన మతం అని చెప్పుకొచ్చాడు. నిందితుడు ఆమెను ఇస్లాం మతం స్వీకరించి బురఖా ధరించమని బలవంతం చేశాడు. ఆమె పాటించడానికి నిరాకరించడంతో, అక్తర్ ఆమెపై శారీరకంగా దాడి చేయడం ప్రారంభించాడు. తన నిజస్వరూపాన్ని ప్రపంచానికి వెల్లడిస్తే కొడుకును దూరం చేస్తానని బాధితురాలిని బెదిరించాడు. మోసం, బెదిరింపులు తట్టుకోలేక ఆమె దిండోలి పోలీస్ స్టేషన్‌లో ఫిర్యాదు చేయాలని నిర్ణయించుకుంది. అయితే పోలీసులు మొదట ఆమె ఫిర్యాదుపై చర్యలు తీసుకోలేదు. హిందూ జాగరణ్ మంచ్ (సూరత్ డివిజన్) జోక్యం చేసుకోవడంతో పోలీసులలో చలనం వచ్చింది. మూడు నెలల తర్వాత మాత్రమే మొదటి సమాచార నివేదిక (ఎఫ్ఐఆర్) నమోదు చేయబడింది. ఆ తర్వాత నిందితుడిని ఇండియన్ పీనల్ కోడ్ (IPC) లోని సంబంధిత సెక్షన్లపై బుక్ చేయడం.. గుజరాత్ ఫ్రీడమ్ ఆఫ్ రిలిజియన్ (సవరణ) చట్టం, 2021 కింద అరెస్టు చేశారు.
Source : Nationalist Hub
